504

REGISTRES DU BUREAU

[i565]

en ceste acte comme plus ancien commandeur, et nous baillifz, commandeurs, chevaliers et freres tenans chappitre provincial au Prieuré de France, à tous ceulx qui ces presentes lectres verront, salut en Nostre Seigneur. Sçavoir faisons que, veu par nous oud. chappitre les lectres de transaction et accord faict par nostre cher et bien amé le commandeur de Sainct-Jehan-de-Latran, frere Guillaume de la Fontaine, ou nom et comme procureur de révérand et tres honnoré seigneur, frere Pierre de la Fontaine, Grand Prieur de France dud. ordre, avec Messieurs les Prevost des Marchans et Eschevins de ceste ville de Paris pour raison de certain procès prest à mouvoir entre eulx à cause de l'incommodité et nuisance pretendue, que donnoient trois moulins dependansdela commanderie du Temple, assis sur la riviere de Seine entre le Port au Foing et le Port au Vin, appellez les moulins du Temple, sur lesquelz auroit de longtemps esté par arrest de la Court de Parlement ordonné que, advenant la ruine et decadence d'iceulx moulins, ilz ne seroient jamais rediffiez ny construictz de nouveau, laquelle ruyne estoit apparente à cause des gelées et glaces survenues l'hiver dernier passé, pour aussi executer l'eedict de la majesté du Roy sur les saillies tant des rues de ceste Ville que de la riviere; et sur ce auroient chevy, pacifié et accordé à la somme de cent livres tournois de rente annuelle et perpetuelle, ainsi que plus à plain est declairé et porté par lesd, lectres de transaction, en acquictant et deschargeant led. s^r Grand Prieur de plusieurs redevances, tant de censives que de rente, desquelles lesd, moulins estoient chargez; nous, d'un commung accord et assentement, ayans sur ce meurement deliberé et consideré tout ce que en ce faict estoit à veoir et considerer, avons lad. transaction et accord et tout le contenu en icelluy, parmy lesquelles ces presentes sont annexées, avec le scrutin des ballottés,

nul ad ce contredisant, ratifié, confirmé et approuvé, et par ces presentes ratifions, confirmons et approuvons. Advenant toutesfois le rachapt de lad. rente de cent livres tournois, les deniers seront apportez aud. chappitre provincial et consignez es mains des commis et depputez d'icelluy, pour emploier au prouffict et utilité de lad. commanderie du Temple. En tesmoing de ce, nous avons faict mectre à ces presentes le seel ai l'aigle dud. chappitre'¹'. Donné en la maison priorale du Temple à Paris, durant icelluy, le quatorziesme jour de Juing mil cinq cens soixante cinq l'²'."

Ainsi signé : Le Brest, chancelier du chapitre; et sur le reply : Demyée, Gonelieu, Desmaretz;

Et seellé sur simple queue en cyre verd du seel dud. chapitre.

De par les Prevost des Marchans et Eschevins de la ville de paris.

" On faict assavoir que, le jeudy, xxix^e jour de ce present mois de Mars, seront baillées et delivrées, à deux heures de relevée, à la chandelle au plus offrant et dernier encherisseur en la maniere accoustumée, en l'Hostel de lad. Ville, les démolitions, tuille, charpenterye, moullins, roues, meulles, aelles et toutes sortes de maçonnerye, pierre de taille et charpenterye, estans de fons en comble en tout le pourpris, allées et pallées estans sur la riviere de Seine, pieulx, vennes, et generallement tout ce qui sert aux moullins du Temple'³' près le Port au Foing, à.la charge de faire faire lesd, démolitions à leurs despens dedans ung mois, et rendre»place necte, mesmes de oster les pierres et terres estans à lad. pallée; et pour ce, qui vouldra lesd, démolitions mectre à pris y vienne led. jour et heure, et il y sera receu. »

DCCIV. — Pour desmolir les moullins du Temple. — La desmolition desd, moullins vendue.

29 mars i565. (H 1784, fol. 3o5 v°.)

Du jeudy, xxix^e jour de Mars mil v^c1xiiii.

Au jour d'huy, suivant les attaches mises et apposées es carrefours de lad. Ville et publiées aux

prosnes d'aucunes eglises, sur les trois heures de relevée, au Grand Bureau d'en hault de l'Hostel de lad. Ville, a esté cryé et publié à vendre led. moul-lin, selon et ainsi qu'il est speciffié et declairé en

⁽¹⁾ Le sceau en question est celui du Grand Prieuré de France, lequel, àla un duxv^esiècle, représentait une aigle, accompagnée de deux fleurs de lis.

(2) La ratification de la transaction du 2 2 mars 1565 par le chapitre provincial du Grand Prieuré de France est transcrite au verso du contrat. (Archive» nationales, S 5074^b.)

'3) En marge se lit cette note : L'enchère vault C soh tournois.